(( الحب الاول ))

هموم المعنـا ولّعـت داخـل الصـدر ضميره من هموم الزمن بـاح مكنونـه
وأنا والله إنّي ماأقبـل الضيـم والغـدر ومهما جرى نفسي عزيـزه ومصيونـه
صبور علـى صكّـات الايـام والقـدر وفرقاء وليف حالوا الناس مـن دونـه
أبو وجنة بيضـاء مثـل شعّـة البـدر و حجّانـه الثنتيـن قوسيـن مقرونـه
وتفاحتين بيـض فـي مقـدم الصـدر ولبّة وردف وخصـر والخـد وعيونـه
يا سبحان من سوّاه هرجه عسل سـدر وساوى جديل ي...ي الـردف ومتونـه
بعد غيبتـه ومفارقـه صابنـي كـدر وقلبي من اللوعات يـا مكثـر حزونـه
وليف شبيهه في جميـع البشـر نـدر غريب بكل الوصف في شكلـه ولونـه
لو يشوفه الميلاف يا أهل الهوى خـدر مصيبة لو إن الناس مثلـي يشوفونـه
أحبّـه وحبّـه فالحشـا عالـي القـدر أحبّه ونفسـي فيـه شفقـه ومجنونـه
أنا أسست جدر البيـت لايهـدم الجـدر بنيته عسى المجمول ما يهـدم ركونـه
عسى إن السحاب اللي بروقه سرت حدر على دار ملهوف الحشا يرخي مزونـه
كلام سمعته منـه فـي غيبتـه صـدر مسامح عليه وعارف ويش مضمونـه
ترى من ورد عدّ المحبيـن مـا صـدر بيتعب ويشقى و الله يكون فـي عونـه
وخبيث النوايا لو بذل جهـد مـا قـدر يا ليته مثل ما قيل يمشي علـى هونـه
عسى الحب الأوّل بينا ما مضـى هـدر وعسى الزين يفهم زبدة الهرج ويصونه

يا ويل حالي
صح لسانك

صح بندك حبوب

صح لساانك أخوووي
وعسااك دوووم ع ه التقدم
تقبل مروووري ^^